ابوذيات منوعة

يلوجهك صافي مثل مي صفا
وحق الي وضل المروة والصفا
كلبي يصيح كل ليلة باسمج صفا
واضل اصيح باسمج للمنية
*************
احبابي شلون حالتكم من بعدنة
وشبي الزمن عنكم بعدنة؟
اذا انتو نسيتوا احنة بعدنة
نذكركم بكل صباح وكل مسية
*************
حبيبي الكلب لا تطكع وصالة
والك بالروح جم غرفة وصالة
عشكتك عشك نانسي واصالة
ويضل حبك ابد للمنية
*************
تغيب الروح بغيابك واردها
وكتاب الوصل منك وردها
روحي بفراكك يذبل ورده
شمس انت وتنور الدرب لية
*************
عشكتك من زمن بابل وسومر
يبوية وشربنة الكريفن وسومر
كلبي من العشك سود وسومر
تالي تخون وتضحك علية؟
*************

بالك يالاسمر من النسة وعدهن
جذابات ومايوفن بوعدهن
اخبرج يفلانة بعيوبج واعدهن؟
لج ما يكفي سعف نخل الناصرية

كلبي ما فرح عكبك ولا سار
وجدمي ما خطة لغيريك ولا سار
اخبرك ما بقت كلمة ولا سر
فضحني الشوك والحب مو بدية
*************
الج بس انتي كلبي وارجيتة
ودمع العين يمج وارجيتة
ابتعد كلمن نخيتة وارتجيتة
ولا واحد اجاني وحن علية
*************
غيرج ما حلى بعيني ولا طاب
ولا دونج دخل كلبي ولا طاب
ياجرحي وياج لا هود ولا طاب
دم ينزف ولا تدرين بية
*************
الف وسفة الدهر عنك بعدني
اموت وارتجي وصلك بعدني
ترة اني على العهد باقي بعدني
وتراك انت النبض والحيل بية
*************
تعب كلبي وياة يامى ودارة
وصل لاهلة ولاحبابة ولدارة
اجي يمة يكلب وجهة ودارة
وكسر كلبي وابد ما حن علية
*************
بلاسم حبك لجرحي بلاسم
واتسمم لزعلك يالسمر بلاسم
يصرخلك كلبي كل ليلة بلاسم
ينخاك يلما تنشد علية
*************
يامحلاك من ولدتك امك ووالدك سماك
صرت نهر للمحبة وانة سماك
من سم سموم على كلبة الذي سماك
حط السم الك وياريتة الية
*************
اريد اقصد لحد كلبك وضيفة
واحط حبي على حبك واضيفة
اذا هذا العشك صاير وظيفة
والله ما اطلع تقاعد للمنية
*************
حلو يمشي بضلام الليل شفتة
وتشبه لمعة الياقوت شفتة
مريض اني واداوي بطرف شفتة
وشوفتة ترد الروح بية
*************
شكثر كلبي على الزينين ينشد
مثل بلبل غريب بقفص ينشد
كلبي من يجي الليل ينشد
وبعد ماضل حبيب ينشد علية
*************
ليش انت اليحبك ما تحس بيه
وكل جسمي بغيابك انشل احس بي
اكل لروحي مات احس بيه
تكلي وياة اريدن للمنية
*************
وحق النون ثم الواو والحاء
شبيت من جفافي رموش ولحاء
صرت مثل الزرع بس خشب واللحاء
وصفة حتى الجذر مكطوع الية
*************
حبيبي عليك كلي من تجي النة
ومن كلك نار جذب منتة جنة
تعرف شيصير بية من تجي النة
قبل الباب القلب ياخذ تحية
*************
قلم كلبي تداين ورقة منك
لان ماكو بجمالك وارقة منك
اسجلنك انت الاول وارقمنك
واكتب لافتة محجوز الية
*************
يهل تحسب نجوم الليل عدنة
الحزن بجفاك مرالنة وبات عدنة
غلاتك يا ترف تدري شكثر عدنة؟
ابغلات الروح يمدلل علية
*************
نار فراكم بالكلب ماجن
وعليكم زين عندي كلب ماجن
رسائلك عجب لليوم ماجن؟
السبب شنهوكطعتوهن علية
*************
يالخدك شبه شمام لاحوك
لك وجنت قبل على الزينات لاحوك
اذا يمشي وراك 11 لاحوك
حبيبي شلون ما تكلب علية؟
*************
ارسم من دمع عيني ورد لك
واكطع من ورد كلبي ورد الك
اغيب شما اغيب تالي اردلك
لانك انت الوحيد الغالي علية
*************
الي حباب على مودك ودعوني
طح وما شفت واحد ودعوني
انة بعرسك دعوني وادعوني
نفسهم جانوا يشمتون بية
*************
بعرش غدر الليالي من ربعنة
الف صاحب شرينة من ربعنة
سبب جرحك ياكلبي مربعنة
ابد مالة الشماتة جروح بية
*************
ابد مالة الشماتة جروح تذكار
فقط كلهن لربعي وياي تذكار
نويت اتركم وكصيت تذكار
اسافر قررت بالول منية
*************
اسافر قررت من غير ما عد
وبعد مابية اعد اجروج ماعد
حجيت ووضحت معناي بعد ما اعيد
اخاف احجي وتفز جروح بية
*************
اخاف احجي وتفز جروح جسرة
اجس نبض برهاوة الجرح جسرة
جسر صرت للمهدوم جسرة
على جتافي وزرع عبوات بية
*************
على جتافي زرع عبوات ثارن
وصدك لا معرفت اختار ثاري انة
لرد من يخون الزاد ثارين
ثار جتافي والاكلناة سوية
*************
ثار جتافي والاكلناة يردن
حرب واليكعد بروحي يرة الدان
اون بصوت وجروحي يردن
لحد ما وكعت يعوني بدية
*************
لحد ما وكعت يعوني بجت لة
وايدة شجم سهم منة بجت لة
لو ان رب العرش يرضى بجتلة
اسويهة واكتلة بابوذية
*************
اريد امشي لحبيبي بليل عناي
واسئلة بيا سبب زعلان عناي
اريد اشرح غرامي بحزن على الناي
بلكي ينكسر كلبة علية
*************
زماني الصعب ما غير طبع بيك
وتضل على الخوة تنشد طبع بيك
الغيرة والوفة والجود طبع بيك
اريد الباري يحفظك الية
*************
يا حباب دمعي ما اضم عنكم وداري
وصرتوا اهلي انتو وبيتي وداري
اذا مو الكم اصبر واتحمل واداري
وطيات الكلب صوركم نسخ اصلية
*************
هاجر حبيب الروح راح عني هاجر
مجلب بقى بالكلب ومن العقل هاجر
وكل اسم صرت اقراة بس اسم هاجر
ادوخن بية وانسة الابجدية
*************
انة الشديت جرحك ليش حليت؟
ومثل حلت مدرسة عليك حليت
دخلت امتحان وغلط حليت
وشجاوب وانت شاغل حتى ادية؟
*************
شكثر بجفاك ون كلبي وهم لك
وعقلي قفل فاركني وهملك
شتظن انساك يالغالي واهملك؟
انت بروحي دم يدور بية
*************
حبكم اصبح لغز اترجة حلوه
لا تجلبون انتو بهذا الكلب حلوه
بعشرتكم هل كلب ماشاف ابد حلو
مرارة وضيم فوكاه اذية
*************
حبيبي وما اتيهك بيوم واضلك
وابقى خادم الك يا عمر واضل الك
خيالك تلكاني من تمشي وضلك
وتضل طول العمر يا حبيبي الية
*************
دنية شما اكلبها مصالح
يزعل بعد ما اراضي وما اصالح
لان ما ضل شي بجسمي ينبض وصالح
اذا كلشي لغيري صاير هديه
_