ابوذيات حلو وخفيفة

حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية




الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه





انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه




عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه





يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه



لتظن نار گلبي اعليك .. تبرد
وبعد كل الحچيته وياك .. تبي رد
اشوكت ماجيك بالسچين .. تبرد
دهاك اذبحني هو اشظال بيه




حبيبي شلون ماحبك ولابيك
وامك ماتحن مثلي ولا بيك
يكون لوعاتك بية ولابيك
وحول كل الم منك اليه



حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية


هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه




وحق الي تعبده الناس وحده
حبك سلب مني الروح وحده
هذني اثنين ونته اختار وحده
ترحل لو تضل محبوب اليه




يطير وياك اخذ مرسال وصلة
وخبرة الروح بس تريد وصلة
اخذ وياك من الكلب وصلة
بلكي يشوفهة ويرجع الية



حبيبي مفتح من الصغر وردة
ينصاب بسهم من شافة وردة
يجيني بلهفة ويروح واردة
وانة وياه نتلاكة سوية





وحك صفين والخندك وحطين
املش الراس بغيابك وحطين
اطير من الفرح صدك وحطين
اذا فد يوم رقمك دك عليه