مـالك مثيـل وإنـت نـور هـ الـكـون ..

ياما نصحت البشر فيك لا يشكّون
ياللي من عرفتك ربي بحبك هداني
أنا دوم أغـليـك لا تسألني وشلـون
ولا تقـول اني أقدر أبتعـد لو ثـواني
أوعدك يا غــلاي وياك ما أخــون
وغير كلمة وليفي لا ماينطق لساني
وأكون أقرب لك من الجفن للعيون
وأبقى مـعـك وأعيـش باقـي زمـاني
أتخيـل دنيـتـي بدونـك مـا لها لـون
وأتخيل حالتي معاك عاشق وولهاني
فدوتك عمري والصبا لـو ينعطون
خـذ قـلبي وروحـي وحـتى حنـانـي
خلني حولك وظلك وخـلني أكــون
الصاحب القريب الغـيّور الأنـانـي
لاتبتعد وفينـي لا تـاخذك الـظنـون
وكثـر مـا ذكرتـك ما أبيـك تنسانـي
مثل شـوق الطفـل للحضن الحنون
أشتاقلك حيل وفي هواك ربي بلاني
لا تقول ما أحبك..وأنا قـلتها مليـون
أحبك كثر ما تحمل هالكلمة معاني
مـالك مثيـل وإنـت نـور هـالـكـون
أحبك وش حيلتي اذا حبك أعمـانـي
ربي عطاك كنز الحلا يالـمـزيـون
وصّاني أجيك وعلى جمـرٍ تحرانـي
ولا جيتك لـمّنِي قــول ومضـمـون
ضمني ياللي لجلك شموخي عصاني
أول نهيت قلبي عن حبك المجنون
واليوم صار قلبي عن جفـاك ينهانـي