ياسر السامرائي مؤسس المنتدى
ألمشاركات : 1291 السٌّمعَة : 47 تاريخ التسجيل : 18/09/2009 الموقع : منتدى الحب الجنس :
| موضوع: يوميات مشرف الثلاثاء فبراير 02, 2010 8:06 pm | |
| استيقظ كعادته ( من الغبشة ) ليرى ( شكو ماكو بالمنتدى ) فاذا به يتفاجئ بمجموعه ( جبيرة كلش ) من الرسائل الخاصة من الاعضاء
الاولى : شلونك اخويه العزيز اخبارك .. اكول لك ضفت موضوع اشو صارت 3 مواضيع بدال الواحد ... اني انطيك هسه كامل الصلاحية تحذف أي واحد يعجبك بيهن ... انت اختار على ذوقك واحذف ولا تتردد ( مسوي زحمة الاخ ابو ذوق )
الثانية : هلالالالاو بالورده .هلالالالاو بسوبر ستار المنتدى ... اني معجب حييييل بشخصيتك ومواضيعك ( ريحة لواكة ) ... أي حبيب اكو موضوع اني كتبته واريدك تثبته لان محد كاعد يرد عليه .. ثانيا انت ليش تثبت مواضيع فلان ومتثبت مواضيعي ( هاااااا هسه افتهمت ليش هاللواكة ) .. ( وليدي روح العب غيرها اني اثبت بس مواضيعي والمواضيع اللي تعجبني ... وبكيفي )
الثالثة : يابه ليش تحذفلي كل موضوع اضيفة ... شنو اني طالعلك بالسحبة ؟؟؟ لو احد موصيك عليه ؟؟؟ راح اشتكي عند المدير ( اشتكي هو المدير عرف والواسطة قويه خخخخخخخخ )
الرابعة : هلالالالالالالالالاو عيني شلونك ... .. اكيد عرفتني ؟؟؟ اني فلانة ( طبعا تمساح مسجل بإسم بنية ههههههه )
الخامسة : السلام عليكم ... بدون مقدمات اكول لك اني الصراحة ما اعرف شلون تتعاملون ويه التثبيت والحذف انتو يا المشرفين ... واتمنى اجرب هاي الخدمة لان الصراحة احب اواكب اخر التطورات التقنية ... بالعربي .ممكن تنطيني الباسوورد مالتك حتى اجرب !!! ( الاخ بايع ميانه كلش ويتأمر )
السادسة : خالي ... لا اني مسلم عليك ولا شي .. انت اصلا ما تستاهل السلام .. شايف نفسك علينا وكلما نحجي وياك ما تعبرنا .. اذا صرت مشرف مو عبالك صرت ملك ... انت اصلا خدام عدنه .. ديلة جيبلي واحد چاي !!! ( هاي شبيك تره اتشاقه وياك خخخخخخخ )
السابعة : رسالة من الادارة اخواني المشرفين الاعزاء الاحظ في الفترة الاخيرة كثرة الشكاوي من الاعضاء وكثرة المشاكل في المنتدى ارجو منكم تهدئة الامور وبذل الجهد من اجل مصلحة المنتدى والسلام عليكم ( رزالة دبلوماسية )
وبعدها يكتب هذا المسكين طلب استقالة من الاشراف و ينسحب من المنتدى ( شلنه بدوخة الراس .. والراتب اللي تنطوه للمشرفين ما نريده ... مالت عليكم وعلى منتداكم التعبان )
بالمناسبة : يمكن راح انطرد هسه *ـ* ههههههههههههههههههههههههه | |
|