بزونه وعتوي

موضوع: بزونه وعتوي الأحد فبراير 14, 2010 11:39 pm

يابة ايكلك في احد ايام شهر نيشان (نيشان لو مهر)اقصد نيسان جان اكو عتوي ديفتر اب اكبر مزبلة بالمنطقة نافش ذيلة و مطول ال 6 شوارب مالته (عتوي شقاوة مالل المزبلة يعني) و هناك و جان يصيدلك شون حاتة بزونة بيضة على شكار رشيقة و واكفة بسرة مال فيران (جانو ديوزعون فخاذة مال فيران و جريدية عال بطاقة) المهم كللك لك ايي هية هاي الوصلة اللي دا ادور عليها,,,ما اطول عليكم الفالسة طكها بالرقم و اخذ رقمها و اتخابرو و تعالو شوفو المخابرة:
العتوي دي ادك
ممو ممو مياو مياو ممو ممو مياو ميو ممو ممو شعر ممو هلة ممو للكاع ممو (هاي البزونة امخصصة نغمة للعتوي ردح مال بزازين)
-الوووو(هاي ال الو الناعمة الطويلة مال بنات)
- حياااتييي شونج؟مشتاقلج؟
- هلو يا بذات يا لئيم انشالله ايلحكك جللب دوبر
-ليش حياتي هيجي اتفولين عليه؟هوة اني ما صدكت فلتت منهم البارحة ولوما الكالج نكرة و اختل بيها جان بس الذيل باقي و داعتج حياتي
-أسم الله حياتي عال عموم وينك البارحة؟مو متواعدين بال 8 ونص بالمزبلة يم الكشور مال النارنج؟وينك ليش ما جيت؟مو اني امحضرة العشة شون 6 فيران كنتاكي اتلوك ال هال حلك
_والله حياتي اتعرضت الحادث
-شنو حبي ؟مريض؟
-لا ....نعال
-اهوووو هم نعال ؟تاليها وية النعلان والله دمرتنا
- اي والله ...اليوم جنت نايم عال فتحة مال البلوعة بالحمام شفتها باردة شوية اشو جا ابو البيت ضايج و ايعربد اني غلست بس اشو جرررب و ما اشوفلج اللا نعال تاية اجاني و شون نعال من هذا ابو ال 8000 نادر ما يخطي مو نعال عبالك صاروخ موجه بالليزر حياتي و جرررب ما اشوفلج اللا كامت الجلوة اليمنة هسة اني دا اشتغل تك اويييلييي يابه
-يلله حبيبي ما عندك اللا العافية رحت للطبيب؟
-ايي كتبلي على ابر حليب نيدو بالجلوة و هسة اني احسن
-اليوم تجي؟
- والله حياتي انشالله بس اشوف اموري لأن اكو 6 جلاب سلوكية ديعلسون شكو بزونة بالشارع خاف انعلس الله كريم عود ابرجقها اببالي للسالفة و احاول اجي
-اوكي حبي عود انتظرك و اجيبلك وياية سمجة و اني...................الو الوووو شبيك؟؟الووووووو
(ططب طرررررررررررررررررررررررررررب)
-هاي شنو الصوت حبي؟حسيت صار زلزال بالكاع خيييير؟
-حياتي انتي امجنصة واكفة عال كاع
-ليش انتة وين؟
-بالسما
-ليش؟
-جلاااااااااااااااااااااااااااااااااااااااااااااااا اق اوييييييييييييييييييييييييييييييييلييييييييييي
-هاي شنو منو ضربك؟
-ابن ابو البيت عندة شووت يسرة مو طبيعية عبالك روبرتو كرلوس مو رجل منجنيق جررررررررررب